Экоакция: чиқиндилар ҳосил бўлишини камайтиради
Сурхондарё вилояти экология, атроф-муҳитни муҳофаза қилиш ва иқлим ўзгариши бошқармаси 30 март — Халқаро чиқиндисиз кун муносабати билан югуриш орқали чиқиндиларни саралаб йиғиш — «плоггинг» тадбирларини ўтказди.
Термиз шаҳрининг Гулистон маҳалласида жойлашган «Амударё дам олиш маскани» ҳудудида ташкил этилган тадбирда сўзга чиққанлар ўтказилаётган ушбу «плоггинг» тадбир ҳудудларимиз тоза-озодалигини таъминлаш, жамоатчиликда бу борада дахлдорлик ҳиссини уйғотишга хизмат қилишини таъкидлади.
Акция доирасида иштирокчилар ҳудуддаги пластик бутилкалар, алюмин банкалар, макулатура ва ўрамлардан тозаладилар. Фаол иштирокчилар тадбир ташкилотчилари томонидан муносиб рағбатлантирилди.
Қайд этиш керакки, Халқаро чиқиндисиз кунни ўтказиш орқали чиқиндисиз ташаббусларни илгари суриш билан кенг жамоатчиликнинг атроф-муҳитга бўлган муносабатини ўзгартириш, чиқиндилар ҳосил бўлишини камайтириш, барқарор истеъмол ва ишлаб чиқариш моделларини тарғиб қилиш, айланма иқтисодиётга ўтишни қўллаб-қувватлаш мақсад қилинган.
Фарҳод ЭСОНОВ
(«Халқ сўзи»).
Тавсия этамиз
Кўп ўқилганлар
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Машинада хавфсизлик камарини тақиш мумкин бўлмаган касалликлар рўйхати тасдиқланади
- Ўзбекистон миллий терма жамоасининг халқаро мусобақа учун қайдномаси эълон қилинди
- “Доҳа — Қатарнинг юраги, тунги ритмда уриб турган шаҳар”
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг