Дунёда mpox вирусини юқтирганлар сони 84 мингдан ошди — ЖССТ

18:23 21 Январь 2023 Дунё
1108 0

Фото: Иллюстратив фото

Жаҳон соғлиқни сақлаш ташкилотининг навбатдаги ҳисоботига кўра, ўтган йил 1 январдан шу кунгача дунё бўйича 84,7 мингдан ортиқ киши mpox (маймун чечаги) вирусини юқтирган.

Жумладан, биргина ўтган ҳафтанинг ўзида беморлар сони 302 нафарга кўпайган. Шунга қарамай, бу — жорий йил январь ойининг илк ҳафтасига нисбатан 44 та кам кўрсаткич.

Хасталик ўтган бир йилдан зиёд даврда Ер юзининг 110 та давлатида тарқалиб улгурди. Энг ачинарлиси, инфекцияга чалинган беморлардан 80 нафари касаллик оқибатида ҳаётдан кўз юмди.

Энг кўп беморлар рўйхатга олинган мамлакатлар:

АҚШ — 29,8 минг,

Бразилия — 10,6 минг,

Испания — 7,5 минг,

Франция — 4,1 минг,

Колумбия — 4 минг нафар.

Таҳлилларга кўра, mpox билан касалланганларнинг 96,6 фоизини 29 ёшдан 41 ёшгача бўлган беморлар ташкил этади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?