Чегара олди ҳудудида ноқонуний ов аниқланди
Сурхондарё вилояти Экология, атроф-муҳитни муҳофаза қилиш ва иқлим ўзгариши бошқармаси ҳамда Миллий гвардия ходимлари томонидан ўтказилган назорат тадбирлари давомида Музработ туманининг “Буюк Ипак йўли” МФЙ ҳудудида, чегара олди минтақада жойлашган шолипоя даласида ноқонуний ов ҳолати аниқланди.
Фуқаро Б.Р. ов қуролидан фойдаланиб, 1 бош ёввойи ўрдакни қонунга хилоф равишда овлаган. Мазкур ҳолат учун унга нисбатан Маъмурий жавобгарлик тўғрисидаги кодекснинг 90-моддасига асосан 8 миллион 240 минг сўм жарима солинди. Табиатга етказилган экологик зарар эса 412 минг сўмни ташкил этди.
— Ноқонуний ов қилиш табиат мувозанатига жиддий зарар етказади ва ҳар бир фуқаро бу борада масъулиятни ҳис этиши лозим, — дейди жамоатчи инспектор Эркин Ашуров. — Аҳолини атроф-муҳитни асраш, ёввойи табиатга эҳтиёткорона муносабатда бўлиш ҳамда қонун талабларига қатъий риоя этишга чақирамиз.
Фарҳод ЭСОНОВ, «Халқ сўзи».
Тавсия этамиз
Кўп ўқилганлар
- Ўзбекистон Республикасининг хориждаги дипломатларидан иборат делегация аъзолари Ислом цивилизацияси марказига ташриф буюрди (+фоторепортаж)
- “Аналог турмуш тарзи”. Инсонларда сунъий интеллектга қарши кайфият кучаймоқда
- Дунё бўйлаб қон ва кўзёш билан ўтган бир ҳафта — 20 та суратда
- Алишер Навоий номидаги Тошкент давлат ўзбек тили ва адабиёти университетида «Ялдо кечаси» романининг тақдимоти ўтказилди
- «Бутун эл-юртимизни бирлаштирадиган улуғ бир ғоя бор. У ҳам бўлса, Ватан манфаати, халқимиз манфаатидир»
- «Нигилист пингвин». Руҳан эзилган ва ҳаётдан маъно излаётганлар учун ноодатий мем оммалашмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг