Chegara oldi hududida noqonuniy ov aniqlandi
Surxondaryo viloyati Ekologiya, atrof-muhitni muhofaza qilish va iqlim oʻzgarishi boshqarmasi hamda Milliy gvardiya xodimlari tomonidan oʻtkazilgan nazorat tadbirlari davomida Muzrabot tumanining “Buyuk Ipak yoʻli” MFY hududida, chegara oldi mintaqada joylashgan sholipoya dalasida noqonuniy ov holati aniqlandi.
Fuqaro B.R. ov qurolidan foydalanib, 1 bosh yovvoyi oʻrdakni qonunga xilof ravishda ovlagan. Mazkur holat uchun unga nisbatan Maʼmuriy javobgarlik toʻgʻrisidagi kodeksning 90-moddasiga asosan 8 million 240 ming soʻm jarima solindi. Tabiatga yetkazilgan ekologik zarar esa 412 ming soʻmni tashkil etdi.
— Noqonuniy ov qilish tabiat muvozanatiga jiddiy zarar yetkazadi va har bir fuqaro bu borada masʼuliyatni his etishi lozim, — deydi jamoatchi inspektor Erkin Ashurov. — Aholini atrof-muhitni asrash, yovvoyi tabiatga ehtiyotkorona munosabatda boʻlish hamda qonun talablariga qatʼiy rioya etishga chaqiramiz.
Farhod ESONOV, “Xalq soʻzi”.
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring