АҚШнинг Невада штати Лас-Вегас шаҳридаги «Трумп Интернатионал» меҳмонхонаси ёнида портлаган «Cybertruck» автомобили ҳайдовчиси 37 ёшли Мэттю Ливелсбергер портловчи қурилма тайёрлаш ҳамда керакли ускуналарни сотиб олиш ҳақидаги маълумотларни «ChatGPT»дан олган, деб хабар бермоқда «NBC News» нашри.

«Сунъий интеллектнинг инсонга портловчи қурилма яратишда ёрдам бериши АҚШ ҳудудида биринчи марта содир бўлган бўлса керак», — дейди ҳудуд полицияси шерифи журналистларга берган интервюсида.

«ChatGPT» дастури муаллифи ҳисобланган «OpenAI» компанияси вакили сунъий интеллект ушбу ҳодисага тайёргарлик учун ишлатилганидан қаттиқ афсусда эканлигини билдирган.

«Биз ушбу воқеадан қайғудамиз. Бизнинг моделларимиз зарарли кўрсатмаларни рад этишга мўлжалланган. Бу ҳолатда, «ChatGPT» Интернетда аллақачон мавжуд бўлган очиқ маълумотлардан фойдаланган ҳолда жавоб берган», — дейди «OpenAI» вакили.

АҚШнинг разведка ва терроризмга қарши кураш бўйича вакили Ребекка Вайнер «NBC News» телеканалига берган интервюсида «СИ мавжуд муаммоларни ўз зиммасига олади ва бу уларга қимматга тушади», дея таъкидлаб ўтган.