Бугун Самарқанд давлат университети ректори, сенатор Рустам Холмуродов таваллуд топган кун.

Рустам Холмуродов 1949 йил 16 августда Самарқанд шаҳрида дунёга келган. 1972 йил Самарқанд давлат архитектура-қурилиш институтини тугатган. У техника фанлари доктори, профессор.

Меҳнат фаолиятини 1977 йил Самарқанд давлат архитектура-қурилиш институтида ассистент, катта ўқитувчиси вазифасидан бошлаган. Кўп йиллар таълим соҳасида фаолият юритган. 2003-2004 йилларда Самарқанд вилояти ҳокими лавозимида ишлаган.

Самарқанд давлат университетида Р. Холмуродов ташаббуси билан талаблардан келиб чиқиб 10 дан ортиқ янги таълим йўналишлари очилган, факультетлар сони 9 тадан 15 тага етказилган. Хорижий олий таълим муассасалари тажрибаларини ўрганиш асосида ўқув режа ва фан дастурлари янгидан шакллантирилган ва бунда потенциал иш берувчиларнинг таклифлари ҳам инобатга олинган.

Рустам Холмуродов Ўзбекистон Республикаси Олий Мажлиси Сенати Фан, таълим ва соғлиқни сақлаш масалалари қўмитаси аъзоси сифатида ҳам самарали фаолият олиб бормоқда.

Рустам Холмуродов 2017 йил «Эл-юрт ҳурмати» ордени билан мукофотланган.