Бойсундаги кон воқеаси: 2 киши вафот этди, жароҳатланганлар бор
Хабарингиз бор, Бойсундаги «Мустақилликнинг 25 йиллиги» газ конида 17 сентябрь куни яна водород сулфид гази сизиб чиқиши юз берди. Ҳолат юзасидан Ўзбекистон Республикаси Табиат ресурслари вазирлигининг матбуот анжуманида маълумот берилди.
Анжуманда Бош прокуратура бошқарма бошлиғи Ўктам Ўтаевнинг маълум қилишича, ҳодиса оқибатида вафот этганлар бор.
«Воқеа жойига вилоят прокурорининг шахсан ўзлари чиққан, туман прокуратураси ҳамда тегишли мутахассислар иштирокида тергов текширув ҳаракатлари амалга оширилмоқда. Бу техноген ҳолат бўлганлиги учун ҳам мутахассисларнинг хулосасига асосланган ҳолда қонуний қарор қабул қилинади. Айтиш керакки, биринчи навбатда Ҳукумат комиссияси жойга чиққан ва ҳудуддаги бир неча қишлоқ аҳолиси эвакуация қилинган. Ҳар бир ҳолат давлат томонидан назоратга олинган.
Ўлим ҳолати бўлган. 2 нафар шахс ўлгани тўғрисида хабар бор. Тан жароҳати олган ҳолатлар ҳам бор. Ҳозирда терговолди ҳаракатлар амалга оширилмоқда. Натижаси ҳақида маълумот берамиз», дейди Ўтаев.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг