Аргентина терма жамоаси ўртоқлик ўйинида ғалаба қозонди
Кеча, 14 ноябрь куни Аргентина терма жамоаси ФИФА кунлари доирасида навбатдаги ўртоқлик учрашувини ўтказди. Ушбу баҳсда Лионел Скалони шогирдларига Ангола терма жамоаси рақиблик қилди.
Луанда шаҳрида бўлиб ўтган учрашув Аргентина терма жамоасининг 2:0 ҳисобидаги ишончли ғалабаси билан якунланди.
43-дақиқада ҳисоб аргентиналиклар фойдасига очилди: Лионел Мессининг аниқ узатмасидан сўнг «Интер» ҳужумчиси Лаутаро Мартинез ўз номини таблоя ёздиришга муваффақ бўлди. Биринчи бўлим шу ҳисоб билан якунланди.
Иккинчи бўлимнинг 83-дақиқасида бу сафар Лаутаро Мартинез голли узатмани амалга оширди. Якуний зарбани йўллаган Лионел Месси дарвозабонни доғда қолдириб, ҳисобни 2:0 кўринишига келтирди.
Шу тариқа баҳс Жанубий Америка вакилининг 2:0 ҳисобидаги ғалабаси билан ниҳоясига етди.
Маълумот учун, бундан аввал Аргентина терма жамоаси ЖЧ саралаши доирасида Жанубий Америка зонасидан биринчилар қаторида мундиал йўлланмасини қўлга киритгани маълум қилинганди.
Тавсия этамиз
Кўп ўқилганлар
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- Машинада хавфсизлик камарини тақиш мумкин бўлмаган касалликлар рўйхати тасдиқланади
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Ўзбекистон миллий терма жамоасининг халқаро мусобақа учун қайдномаси эълон қилинди
- “Доҳа — Қатарнинг юраги, тунги ритмда уриб турган шаҳар”
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг