АҚШда юз берган ЙТҲда ўзбекистонлик 16 ёшли йигит ҳалок бўлди
![](https://xs.uz/upload/post/2024/08/21/aaef386c5427a3bf52d2bc1739b8a5380821.jpg)
Фото: NY Post
АҚШда асли ўзбекистонлик бўлган 16 ёшли йигит автоҳалокат қурбони бўлди. Маҳаллий нашрлар хабарига кўра, жорий йилнинг 19 август куни Бруклинда яшовчи Умиджон Жўраев исмли ўсмир дўстлари билан скутерда юк машинасига тўқнашиб кетган.
Авария оқибатида Умиджон вафот этган, дўстларидан бири турли жароҳатлар билан шифохонага тушган. Манбага кўра, марҳум оилада ёлғиз фарзанд бўлиб, онаси билан бирга яшаган.
Кузатув камераларига кўра, душанба куни содир бўлган аварияда скутер ва юк машинаси чорраҳадан ўнгга бурилиб кетаётганда тўқнашиб кетган. Жўраевнинг дўстларидан бири олган жароҳатлари туфайли шифохонада, иккинчиси эса енгил жароҳатлар билан воқеа жойида ўзига келган.
Нью-Йорк полициясининг маълум қилишича, юк машинаси воқеа жойида қолмоқда, унинг 48 ёшли ҳайдовчиси эса сўроқ қилинган. Ҳозирча ҳеч ким ҳибсга олинмаган ва ҳайдовчига ҳеч қандай айблов қўйилмаган.
Тавсия этамиз
Кўп ўқилганлар
- Дам олиш кунлари ҳарорат +27 даражагача пасаяди
- «Барселона»га келган Дани Олмо клубни қийин аҳволга солиб қўйди
- Бир ойлик ҳарбий хизмат тўлови миқдори оширилади
- Мбаппе «Реал» учун гол урган ўйинда УЕФА Суперкубогига эга чиқди
- «Андижон» клуби футболчиси Миллий гвардия ходимини уриб, жароҳат етказди
- ЙҲХБ: Тартибга солинмаган ўтиш жойидан ўтаётган пиёдалардан қўлларини баланд кўтаришни сўраймиз
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг