Foto: NY Post

AQSHda asli oʻzbekistonlik boʻlgan 16 yoshli yigit avtohalokat qurboni boʻldi. Mahalliy nashrlar xabariga koʻra, joriy yilning 19-avgust kuni Bruklinda yashovchi Umidjon Joʻrayev ismli oʻsmir doʻstlari bilan skuterda yuk mashinasiga toʻqnashib ketgan.

Avariya oqibatida Umidjon vafot etgan, doʻstlaridan biri turli jarohatlar bilan shifoxonaga tushgan. Manbaga koʻra, marhum oilada yolgʻiz farzand boʻlib, onasi bilan birga yashagan.

Kuzatuv kameralariga koʻra, dushanba kuni sodir boʻlgan avariyada skuter va yuk mashinasi chorrahadan oʻngga burilib ketayotganda toʻqnashib ketgan. Joʻrayevning doʻstlaridan biri olgan jarohatlari tufayli shifoxonada, ikkinchisi esa yengil jarohatlar bilan voqea joyida oʻziga kelgan.

Nyu-York politsiyasining maʼlum qilishicha, yuk mashinasi voqea joyida qolmoqda, uning 48 yoshli haydovchisi esa soʻroq qilingan. Hozircha hech kim hibsga olinmagan va haydovchiga hech qanday ayblov qoʻyilmagan.