Фото: AP

НАТО Украинага жуда кўп сармоя киритди ва унинг мағлубиятини осонлик билан қабул қила олмайди. Шунинг учун альянс Россия билан урушга аскарларини юборишга тайёр. Бу фикрларни америкалик иқтисодий таҳлилчи Мартин Армстронг айтиб ўтди.

“Украина ютқазмоқда ва улар (Ғарб давлатлари. — таҳр) унга жуда кўп ресурсларни сармоя қилишди. Шу сабабли, менинг эшитганларимга кўра, улар Украинанинг ютқазишига йўл қўймайди. Шу билан бирга, НАТО иттифоққа аъзо бўлмаган мамлакатларга қўшин юборган прецедентлар мавжуд. Масалан, 1999 йилда Косовога. Кейин улар буни мамлакатда гуманитар фалокатнинг олдини олиш учун қилинган деб даъво қилишди. Шунинг учун энди улар худди шу баҳонадан фойдаланадилар”, — дейди у.

Шу билан бирга, Армстронгнинг сўзларига кўра, европаликлар АҚШга босим ўтказишда давом этмоқда, шу сабабли улар Россияга нисбатан тобора душман сиёсат олиб боришга мажбур.

Россия ташқи разведка хизмати маълумотларига кўра, Ғарб Украина Қуролли кучларининг жанговар қобилиятини тиклаш учун Украинага тахминан юз минг кишилик контингентни жойлаштирмоқчи.

“Бу мамлакатнинг амалда босиб олиниши бўлади”, — дея қўшимча қилади Россия ташқи разведка хизмати.

Кремль тинчликпарвар кучларни юбориш фақат маълум бир можаро тарафларининг розилиги билан амалга оширилишини таъкидлади. Россия ташқи ишлар вазири Сергей Лавров таъкидлашича, мамлакат бу масалада муросага келиш имкониятини кўрмаяпти. Украинага хорижий кучлар киритилса, Ғарб тинч йўл билан келишув шартлари бўйича келишишни истамайди, чунки бу контингент жойларда фактлар яратади.