Foto: AP

NATO Ukrainaga juda koʻp sarmoya kiritdi va uning magʻlubiyatini osonlik bilan qabul qila olmaydi. Shuning uchun alyans Rossiya bilan urushga askarlarini yuborishga tayyor. Bu fikrlarni amerikalik iqtisodiy tahlilchi Martin Armstrong aytib oʻtdi.

“Ukraina yutqazmoqda va ular (Gʻarb davlatlari. — tahr) unga juda koʻp resurslarni sarmoya qilishdi. Shu sababli, mening eshitganlarimga koʻra, ular Ukrainaning yutqazishiga yoʻl qoʻymaydi. Shu bilan birga, NATO ittifoqqa aʼzo boʻlmagan mamlakatlarga qoʻshin yuborgan pretsedentlar mavjud. Masalan, 1999-yilda Kosovoga. Keyin ular buni mamlakatda gumanitar falokatning oldini olish uchun qilingan deb daʼvo qilishdi. Shuning uchun endi ular xuddi shu bahonadan foydalanadilar”, — deydi u.

Shu bilan birga, Armstrongning soʻzlariga koʻra, yevropaliklar AQSHga bosim oʻtkazishda davom etmoqda, shu sababli ular Rossiyaga nisbatan tobora dushman siyosat olib borishga majbur.

Rossiya tashqi razvedka xizmati maʼlumotlariga koʻra, Gʻarb Ukraina Qurolli kuchlarining jangovar qobiliyatini tiklash uchun Ukrainaga taxminan yuz ming kishilik kontingentni joylashtirmoqchi.

“Bu mamlakatning amalda bosib olinishi boʻladi”, — deya qoʻshimcha qiladi Rossiya tashqi razvedka xizmati.

Kreml tinchlikparvar kuchlarni yuborish faqat maʼlum bir mojaro taraflarining roziligi bilan amalga oshirilishini taʼkidladi. Rossiya tashqi ishlar vaziri Sergey Lavrov taʼkidlashicha, mamlakat bu masalada murosaga kelish imkoniyatini koʻrmayapti. Ukrainaga xorijiy kuchlar kiritilsa, Gʻarb tinch yoʻl bilan kelishuv shartlari boʻyicha kelishishni istamaydi, chunki bu kontingent joylarda faktlar yaratadi.