Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.

Байдаркада эшкак эшиш бўйича Ўзбекистон терма жамоаси аъзоси Екатерина Шубина «Париж-2024» ёзги Олимпиадасидаги иштирокини якунлади.

Қайд этиш керакки, юртдошларимиз орасида биринчи бўлиб Екатерина Шубина чорак финалда омадсиз иштирок этиб, ўзининг биринчи Олимпиадасида омадсиз иштирок этди.

Шубина ¼ босқичида стартга чиқиб, 500 метр масофага кечган пойгада 1:54.63 натижа билан 6-ўринни банд этди. Бу ярим финал учун етарли бўлмади ва Шубина учун турнир якунланди.

Шубина Екатерина Вячеславовна 1988 йил 2 майда туғилган. «Пекин-2008», «Лондон-2012», «Рио-2016» ва «Токио-2020» ёзги Олимпия ўйинларининг квалификацион мусобақаларида ўта олмаган, бироқ «Париж-2024» мусобақасига йўлланма олди.

Байдаркачи қизимиз фаолияти давомида Осиё ўйинларида 2 та кумуш ва 3 та бронза медалларига сазовор бўлган. Шунингдек, қитъа чемпионати ва Жаҳон кубоги босқчиларида ҳам бир неча бор шоҳсупага кўтарилган.

Қайд этиш керакки, ҳамюртларимиз ёзги Олимпиада ўйинларидаги сув спорти баҳсларида омадсиз иштироки давом этмоқда.

Аввалроқ, Асадхўжа Мўйдинхўжаев Париж Олимпиадаси олтини учун рингга чиқиши ҳақида хабар берилганди.