Фото: Архив сурат

Бу ҳақда АОКАда ўтказилган брифингда Ўзбекистон Фанлар академияси ахборот хизмати раҳбари Гулноза Шарофова маълум қилди.

Маданият вазирлиги ҳузуридаги Кинематография агентлиги билан ҳамкорликда Фанлар академиясининг ташкил топиши ва ривожланиши ҳамда мустақиллик йилларида фаннинг давлат томонидан қўллаб-қувватланишига ва илмий-тадқиқот фаолиятини такомиллаштиришга бағишланган ишчи номи “Учинчи Ренессанс таянчи” ҳужжатли фильм суратга олиш ишлари бошланди.

Академия тарихи ва бугунни ўзида акс эттирган китоб-альбом нашрга тайёрланмоқда.

Фидойи ва меҳнаткаш олимлар ўз илмий изланишлари натижаси бўлган кўплаб илмий рисола ва монографияларини 80 йилликка бағишлаб чоп этмоқда.

Фанлар академияси ҳақиқий аъзолиги – академикликка сайлов эълон қилинди. Сайлов ҳақидаги барча маълумотларни academy.uz расмий сайтимиз ва ижтимоий тармоқлардаги саҳифаларидан олишингиз мумкин.