“101 рейс” фильми “Листопад” фестивалида

15:54 09 Ноябрь 2022 Жамият
404 0

Фото: Кинематография агентлиги

Беларуснинг Минск шаҳрида бўлиб ўтаётган “Листопад” халқаро кинофестивали доирасида ташкил этилган “Ўзбек киноси куни”да “101 рейс” бадиий фильми намойиш этилди.

Фильм кўпчиликда катта қизиқиш уйғотди. Кинокартина намойишидан сўнг, Кинематография агентлиги Бош директори Фирдавс Абдухолиқов иштирокида “Беларусфильм” ва дипломатик корпус аъзолари билан учрашув бўлиб ўтди. Фильмга қизиқиш билдирган МДҲ мамлакатлари ва Грузия давлатлари вакиллари билан фильмни сотиб олиш ва прокат масалалари бўйича таклифлар кўриб чиқилди ва музокаралар олиб борилди.

Маълумот учун, “101 рейс” фильми реал воқеаларга асосланган бўлиб, 2001 йил 11 сентябрь куни “Ўзбекистон ҳаво йўллари” миллий авиакомпаниясига тегишли Boeing 757 самолёти Тошкентдан Нью-Йорк шаҳрига амалга оширган мураккаб парвози ҳақида ҳикоя қилинади.

Фильмда Ўзбекистоннинг энг таниқли актёр ва актрисалари жамланган. Бош ролларни Ҳошим Арслонов, Умид Искандаров, Олег Галаҳов, Лола Элтоева, Хуршид Тўхтаев, Баҳора Арслонова, Фарҳод Абдуллаев ва Нигина Анорбоева ижро этган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер