Bosh prokuratura huzuridagi Departamentning Baxmal tuman boʻlimi tomonidan IIB xodimlari bilan hamkorlikda oʻtkazilgan tezkor tadbirda Baxmal tumanida faoliyat yurituvchi “B.Y. MCHJga qarashli savdo doʻkonida hech qanday hujjatsiz 63 xil turdagi 1 266 dona kirim hujjatlari boʻlmagan va qalbaki aksiz markali isteʼmolga yaroqsiz alkogol mahsulotlari sotuvga qoʻyilganligi aniqlanib, ashyoviy dalil sifatida olingan.

Shu kabi, Jizzax shahrida faoliyat yurituvchi “B.Sh.” xususiy korxonasiga qarashli savdo doʻkonida hech qanday hujjatsiz 501 dona qalbaki aksiz markali alkogol mahsulotlari sotuvga qoʻyilganligi aniqlanib, ashyoviy dalil sifatida olingan.

Mazkur holatlar yuzasidan Jinoyat kodeksining 176-moddasi (qalbaki pul, aksiz markasi yoki qimmatli qogʻozlar yasash, ularni oʻtkazish) va 186-moddasi (xavfsizlik talablariga javob bermaydigan tovarlarni oʻtkazish maqsadini koʻzlab ishlab chiqarish, saqlash, tashish yoxud oʻtkazish, ishlar bajarish yoki xizmatlar koʻrsatish) bilan jinoyat ishlari qoʻzgʻatilib, tergov harakatlari oʻtkazilmoqda.