Foto: Reuters

Bir kun avval Seul markaziy okrug sudi korrupsiyada gumon qilinib, Kim Gun Xini hibsga olishga qaror qilgandi. Bu Janubiy Koreya tarixida birinchi marta sobiq prezidentning rafiqasiga nisbatan hibsga olish orderi chiqarilishidir. Kim Gun Xiga qarshi ish 16 ta banddan iborat boʻlib, u “Deutsch Motors” avtodilerining qimmatli qogʻozlari bilan firibgarlik, korrupsiya va deputatlar sayloviga aralashishda ayblanmoqda.

Korrupsiya ishi boʻyicha sudlangan Janubiy Koreyaning sobiq birinchi xonimi Kim Gun Xi jazoni bir kishilik kamerada oʻtaydi. Bu haqda “Reuters” manbasiga tayanib xabar berdi.

Manbaga koʻra, sobiq birinchi xonimning kundalik tartibi boshqa mahbuslarnikidan biroz farq qiladi.

“Ommaviy axborot vositalari bilan gaplashishga ruxsati yoʻqligi sababli anonim qolishni istagan manbaning soʻzlariga koʻra, uning bir kishilik kamerasida ovqatlanish uchun ishlatilishi mumkin boʻlgan kichik stol, shuningdek, u uxlashi mumkin boʻlgan polda matras boʻladi”, — deyiladi maqolada.

Kim Gun Xi ham dushga alohida kirish huquqiga ega boʻladi. Bundan tashqari, birinchi xonimga haftada olti kun bir soat ochiq havoda sayr qilishiga ruxsat beriladi. Jurnalistlarning maʼlum qilishicha, sayohat vaqti boshqa mahbuslar bilan yuzma-yuz kelmasligi uchun oʻzgartiriladi.