Janubiy Koreya milliy razvedka xizmati maʼlumotlariga koʻra, Shimoliy Koreya Rossiyaga qoʻshimcha harbiy kuchlar yuborgan. Bu haqda “Reuters” xabar bermoqda.

Janubiy Koreya ommaviy axborot vositalari xabar berishicha, bu qoʻshinlar Rossiyaning Ukraina bilan chegaradosh Kursk viloyatidagi jang maydonlariga yoʻnaltirilgan.

Avvalroq, Shimoliy Koreya Rossiyaga 11 mingdan ortiq askar yuborgani haqida maʼlum qilingan edi. Shuningdek, Gʻarb ekspertlari va Ukraina rasmiylari Rossiya armiyasi Shimoliy Koreya qurollaridan ham foydalanayotganini qayd etishgan. Shunga qaramasdan, Pxenyan rasmiy ravishda Rossiyaga harbiy yordam koʻrsatganini tan olmagandi.

Janubiy Koreya razvedka xizmati mazkur masala yuzasidan rasmiy izoh bermagan. Hozircha Rossiya va Shimoliy Koreya oʻrtasidagi harbiy hamkorlik va bu qoʻshinlarning aniq vazifalari haqida toʻliq maʼlumot yoʻq. Gʻarb davlatlari bu harakatni Rossiyaning Ukrainadagi urushda xalqaro harbiy koʻmak izlayotganiga ishora sifatida baholamoqda.

Janubiy Koreya razvedkasi aynan ushbu qoʻshin tarkibini ochiqlamagan. Moskva ham, Pxenyan ham hozircha rasmiy munosabat bildirmadi.