Жанубий Корея разведкаси: Шимолий Корея Россияга яна қўшин юборди
Жанубий Корея миллий разведка хизмати маълумотларига кўра, Шимолий Корея Россияга қўшимча ҳарбий кучлар юборган. Бу ҳақда «Reuters» хабар бермоқда.
Жанубий Корея оммавий ахборот воситалари хабар беришича, бу қўшинлар Россиянинг Украина билан чегарадош Курск вилоятидаги жанг майдонларига йўналтирилган.
Аввалроқ, Шимолий Корея Россияга 11 мингдан ортиқ аскар юборгани ҳақида маълум қилинган эди. Шунингдек, Ғарб экспертлари ва Украина расмийлари Россия армияси Шимолий Корея қуролларидан ҳам фойдаланаётганини қайд этишган. Шунга қарамасдан, Пхеньян расмий равишда Россияга ҳарбий ёрдам кўрсатганини тан олмаганди.
Жанубий Корея разведка хизмати мазкур масала юзасидан расмий изоҳ бермаган. Ҳозирча Россия ва Шимолий Корея ўртасидаги ҳарбий ҳамкорлик ва бу қўшинларнинг аниқ вазифалари ҳақида тўлиқ маълумот йўқ. Ғарб давлатлари бу ҳаракатни Россиянинг Украинадаги урушда халқаро ҳарбий кўмак излаётганига ишора сифатида баҳоламоқда.
Жанубий Корея разведкаси айнан ушбу қўшин таркибини очиқламаган. Москва ҳам, Пхеньян ҳам ҳозирча расмий муносабат билдирмади.
Тавсия этамиз
Кўп ўқилганлар
- Комилжонов Мухаммадсолиҳ Собиржон ўғлининг “Сaломaтлик лaндшaфтлaрини тaшкил этиш тaмойиллaрини ишлaб чиқиш” мавзусидаги (архитектура фанлари бўйича) фалсафа доктори (PhD) диссертациясининг ҳимояси эълони
- Дўстлик ва ҳамкорликни кенгайтирган форум (+фоторепортаж)
- Наманган – янгиланиш ва гўзаллик шаҳри
- Ўзбекистон ёки Миср. Қайси терма жамоа кучли?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Телеканаллар, радио ва ижтимоий тармоқлардаги айрим рекламаларга ишониб қолманг — Рақобат қўмитаси огоҳлантириш билан чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг