Kecha, 16-yanvar kuni Saudiya Arabistonida tashkil etilayotgan U-23 Osiyo chempionati musobaqasining chorak final oʻyinlari davom ettirildi. Kun doirasidan oʻrin olgan dastlabki bahsda Yaponiya U23 terma jamoasi Iordaniya bilan kuch sinashdi.

Uchrashuv 1:1 hisobidagi durang natija bilan yakunlandi. Gollarga yaponlardan Shusuke Furuya, Iordaniya termasidan esa Ali Al-Azaiza mualliflik qildi.

Penaltidan seriyasida esa omad “kunchiqar yurti“ vakillariga nasib qildi. Iordaniya termasidan dastlabki zarbani amalga oshirgan Muhammad Taha va soʻnggi zarbani amalga oshirgan Muhammad Al-Shatti zarbada adashdi. Yakuniy hisob 4:2.

Ikkinchi yarim finalda esa Vyetnam U-23 terma jamoasi Birlashgan Arab Amirliklari termasi bilan bellashdi. Oʻyinning asosiy vaqti 2:2 hisobidagi durang natijasi bilan yakunlandi.

Gollarga Vyetnamdan Nguyen Le Pat va Nguyen Din Bak, BAA termasidan esa Junior Ndiaye va Saif Al-Menhali mualliflik qildilar.

Asosiy vaqt durang bilan yakunlangach, gʻolib qoʻshimcha boʻlimlarda aniqlandi. Birinchi ekstra taymning 101-daqiqasida Pam Min Puk gʻalaba golini kiritdi. Shu tariqa Vyetnam U-23 terma jamoasi musobaqaning yarim finaliga yoʻl oldi.

Maʼlumot uchun, endi vyetnamliklar final yoʻlida Oʻzbekiston va Xitoy terma jamoalari oʻrtasidagi oʻyin gʻolibi bilan bellashadi.