Yaman yaqinida qayiq halokatga uchradi: 70 ga yaqin muhojir halok boʻldi
Foto: Focus
Yaman qirgʻoqlari yaqinida noqonuniy muhojirlarni olib ketayotgan qayiq choʻkib ketdi. Hodisa oqibatida kamida 68 kishi halok boʻldi, yana oʻnlab fuqarolar bedarak yoʻqolgan. Bu haqda Associated Press agentligi xabar bermoqda.
Maʼlumotlarga koʻra, fojia 3-avgust kuni Yaman janubidagi Abyan viloyati sohillarida yuz bergan. Qayiqda jami 150 kishi boʻlgan, ularning koʻpchiligi Efiopiyadan kelgan muhojirlar edi.
Mahalliy rasmiylarga koʻra, 12 kishi omon qolib, tibbiy yordam koʻrsatish uchun shifoxonaga yetkazilgan.
Ayni paytda Abyan viloyati huquq-tartibot idoralari halok boʻlganlarning jasadlarini qidirish ishlarini davom ettirmoqda.
Yaman — Afrika va Arab yarimoroli oʻrtasidagi asosiy migratsion yoʻllardan biri hisoblanadi. Soʻnggi yillarda minglab muhojirlar xavfli sharoitda dengiz orqali ushbu yoʻnalishda harakatlanib kelmoqda.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring