Abdumannop Boʻriyev biznes-ombudsman lavozimiga tayinlandi
Oʻzbekiston Prezidenti huzuridagi Tadbirkorlik subyektlari huquqlari va qonuniy manfaatlarini himoya qilish boʻyicha vakil (biznes-ombudsman) lavozimiga Abdumannop Abdurahmadovich Boʻriyev tayinlandi.
Ochiq manbalarga koʻra, Abdumannop Abdurahmadovich Boʻriyev 1986-yilda Toshkent viloyati Bekobod shahrida tugʻilgan.
U adliya tizimida turli rahbarlik lavozimlarida faoliyat olib borgan. Xususan, 2025-yilda Adliya vazirligi markaziy apparatida Tashkiliy-nazorat va strategik rejalashtirish boshqarmasi boshligʻi lavozimiga tayinlangan. Bunga qadar esa Tashkiliy-nazorat va tahlil boshqarmasiga rahbarlik qilgan.
Shuningdek, Adliya vazirligi hujjatlarida Abdumannop Boʻriyev Fargʻona viloyati adliya boshqarmasi boshligʻi sifatida ham faoliyat yuritgani qayd etilgan.
Biznes-ombudsman — tadbirkorlik subyektlarining huquqlari va qonuniy manfaatlarini himoya qilish boʻyicha maxsus vakolatli mansabdor shaxs hisoblanadi. Qonunchilikka muvofiq, biznes-ombudsman hamda uning oʻrinbosari Prezident tomonidan lavozimga tayinlanadi va lavozimidan ozod etiladi.
Tavsiya etamiz
Ko‘p o‘qilganlar
- Nilufardan Qobiljongacha... Qobuljon Rossiyada etnik nafrat tufayli vahshiylarcha oʻldirilgan birinchi bola emas
- Oʻrta Osiyodagi eng baland yangi yil archasi — Namanganda
- Yaldo tuni: Yerliklar bugun eng uzun tun va eng qisqa kunga guvoh boʻladi
- Dual taʼlim — yetuk mutaxassis tayyorlash kafolati
- Toshkent shahrida Markaziy Osiyo davlatlari va Koreya Respublikasi parlamentlari rahbarlarining III yigʻilishi oʻz ishini boshladi
- Poytaxtga avtomobillar kirishiga hech qanday taqiq yoʻq — Toshkent shahar hokimligi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring