Oʻzbekistonda YTT va oʻzini oʻzi band qilgan shaxslar QR-kodsiz faoliyat yuritsa jarimaga tortiladi
Oʻzbekistonda 2026-yil 1-yanvardan boshlab yakka tartibdagi tadbirkorlar (YTT) hamda oʻzini oʻzi band qilgan shaxslar elektron toʻlovlarni qabul qilish uchun maxsus QR-kodlardan foydalanishi shart boʻladi.
Tegishli oʻzgarishlarga koʻra, YTT va oʻzini oʻzi band qilgan shaxslar mijozlarga toʻlovni yagona grafik kod — QR-kod orqali amalga oshirish imkoniyatini taqdim etishi lozim. Ushbu kodlar toʻlov tashkilotlarining rasmiy raqamli platformalari asosida yaratilishi kerak.
QR-kod mavjud boʻlmasligi nazorat-kassa texnikasi yoki hisob-kitob terminallaridan foydalanmaslikka tenglashtiriladi.
Soliq kodeksining 221-moddasiga kiritilgan oʻzgarishlarga muvofiq, ushbu talabni buzganlik uchun 5 million soʻm miqdorida jarima qoʻllaniladi.
Boshqa shaxs nomiga rasmiylashtirilgan QR-kodlardan foydalanish esa 20 million soʻm miqdorida jarimaga sabab boʻladi.
Tavsiya etamiz
Ko‘p o‘qilganlar
- Nega biz haligacha oʻzga sayyoraliklar bilan uchrashmaganmiz?
- 16-yanvar kuni baʼzi joylarda qor yogʻadi
- Raqamli Oʻzbekiston uchun kiber-huquqshunoslar: Prezident Farmoni yuridik taʼlimning yangi davrini ochadi
- Oʻzbekiston Respublikasining xorijdagi diplomatlaridan iborat delegatsiya aʼzolari Islom sivilizatsiyasi markaziga tashrif buyurdi (+fotoreportaj)
- Koʻrfaz arab davlatlari bozoriga bojsiz kirish imkoni yaratiladi
- Dunyo boʻylab qon va koʻzyosh bilan oʻtgan bir hafta — 20 ta suratda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring