WSJ: Tramp “Binance” kriptovalyuta birjasi asoschisi Changpeng Chjaoni afv etdi
“The Wall Street Journal” nashrining xabar berishicha, AQSH prezidenti “Binance” kriptovalyuta birjasi asoschisi Changpeng Chjaoni afv etish toʻgʻrisidagi farmonni imzoladi.
Xabarlarga koʻra, afv 22-oktyabr kuni imzolangan.
Oq uy matbuot kotibi Kerolin Livittning taʼkidlashicha, Tramp sobiq prezident Jo Bayden maʼmuriyati tomonidan “kriptovalyutaga qarshi urushning bir qismi sifatida” “jinoiy javobgarlikka tortilgan” Chjaoni afv etish orqali oʻzining konstitutsiyaviy vakolatlaridan foydalangan.
Uning qoʻshimcha qilishicha, Bayden maʼmuriyatining kriptovalyutaga qarshi urushi tugadi.
2023-yil noyabr oyida AQSH hukumati “Binance” kompaniyasiga Bank siri toʻgʻrisidagi qonunni buzganlik, pul yuvish, toʻgʻri roʻyxatdan oʻtmaganlik va sanksiyalardan boʻyin tovlaganlik uchun 4,3 milliard dollar toʻlashni buyurdi.
Changpeng Chjao samarali pul yuvishga qarshi dasturni amalga oshirmaganlikda aybdor deb topildi. 2024-yil bahorida u toʻrt oylik qamoq jazosiga hukm qilindi va jazosini oʻtab boʻlganidan soʻng oʻsha yilning sentyabr oyida ozod qilindi.
Tavsiya etamiz
Ko‘p o‘qilganlar
- Alisher Navoiy – ilm va maʼno ehtiyoji manbai
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Ilm-fan sohasida xotin-qizlarga yaratilgan imkoniyatlarga bagʻishlangan anjuman
- Oʻzlikni anglash sari muhim qadam: “Milliy qadriyatlar atlasi” kitob-albomi taqdimot qilindi (+video)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring