WSJ: Трамп «Binance» криптовалюта биржаси асосчиси Чангпенг Чжаони афв этди
«The Wall Street Journal» нашрининг хабар беришича, АҚШ президенти «Binance» криптовалюта биржаси асосчиси Чангпенг Чжаони афв этиш тўғрисидаги фармонни имзолади.
Хабарларга кўра, афв 22 октябрь куни имзоланган.
Оқ уй матбуот котиби Керолин Ливиттнинг таъкидлашича, Трамп собиқ президент Жо Байден маъмурияти томонидан «криптовалютага қарши урушнинг бир қисми сифатида» «жиноий жавобгарликка тортилган» Чжаони афв этиш орқали ўзининг конституциявий ваколатларидан фойдаланган.
Унинг қўшимча қилишича, Байден маъмуриятининг криптовалютага қарши уруши тугади.
2023 йил ноябрь ойида АҚШ ҳукумати «Binance» компаниясига Банк сири тўғрисидаги қонунни бузганлик, пул ювиш, тўғри рўйхатдан ўтмаганлик ва санкциялардан бўйин товлаганлик учун 4,3 миллиард доллар тўлашни буюрди.
Чангпенг Чжао самарали пул ювишга қарши дастурни амалга оширмаганликда айбдор деб топилди. 2024 йил баҳорида у тўрт ойлик қамоқ жазосига ҳукм қилинди ва жазосини ўтаб бўлганидан сўнг ўша йилнинг сентябрь ойида озод қилинди.
Тавсия этамиз
Кўп ўқилганлар
- “Матонатли Марям” фильми кенг жамоатчиликка тақдим этилди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
- «Барселона» Ла Лигада навбатдаги ғалабасини қўлга киритди
- Бугун 2026 йилги Жаҳон чемпионатига қуръа ташланади
- Президент пойтахтда транспорт тизимини янгилашга доир муҳим қарорни имзолади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг