Foto: “Xalq soʻzi”

UNESCO va Maktabgacha taʼlim vazirligi Toshkentda kichik yoshdagi bolalarni taʼlim-tarbiya berish boʻyicha II Butunjahon konferensiyasi doirasida boʻlib oʻtadigan keng koʻlamli fotokoʻrgazma uchun fotokonkurs eʼlon qilgan edi.

Ushbu xabar eʼlon qilinganidan soʻng Oʻzbekistonda 100 dan ortiq fotosuratchilar oʻz ishlarini yuborishdi va 450 dan ortiq bolalar ishtirokidagi fotosuratlar jamlanmasi toʻplandi.

Tashkilotchilar mamlakatdagi barcha fotosuratchilarni 30-oktyabrga qadar davom etadigan tanlov uchun oʻz ishlarini yuborishga chorlaydi.

«Oʻzbekiston» fotosuratlar toʻplamiga kiradigan gʻolib mualliflar oʻz ishlari bilan Parijdagi fotokoʻrgazmada shaxsan qatnashish imkoniyatiga ega boʻladilar.

Dunyo boʻylab fotosuratchilarning eʼtiborini jalb qilish va butun dunyo boʻylab ekspozitsiyani toʻplash uchun xalqaro maslahatchi va ekspert Benua Delplank rahbarligidagi jamoa fotosuratlarni tanlash uchun jalb qilindi. U professional prodyuser boʻlib, sanʼat maydonchalari uchun ekspozitsiyalarni tashkil qilishda keng tajribaga ega.

Fotokoʻrgazma 14-20-noyabr kunlari “Humo Arena”da boʻlib oʻtadi. Kirish bepul, animatorlar, oʻyin maydonlari onalar va bolalar uchun ishlaydi.

Fotosuratchilar uchun batafsil texnik talablar quyidagi havola orqali bildirilgan.