#wearethechildren фотокўргазмасига 200 нафардан ортиқ фотосуратчилар ўз ишларини тақдим этишди

18:09 27 Октябр 2022 Жамият
415 0

Фото: "Халқ сўзи"

UNESCO ва Мактабгача таълим вазирлиги Тошкентда кичик ёшдаги болаларни таълим-тарбия бериш бўйича II Бутунжаҳон конференцияси доирасида бўлиб ўтадиган кенг кўламли фотокўргазма учун фотоконкурс эълон қилган эди.

Ушбу хабар эълон қилинганидан сўнг Ўзбекистонда 100 дан ортиқ фотосуратчилар ўз ишларини юборишди ва 450 дан ортиқ болалар иштирокидаги фотосуратлар жамланмаси тўпланди.

Ташкилотчилар мамлакатдаги барча фотосуратчиларни 30 октябрга қадар давом этадиган танлов учун ўз ишларини юборишга чорлайди.

«Ўзбекистон» фотосуратлар тўпламига кирадиган ғолиб муаллифлар ўз ишлари билан Париждаги фотокўргазмада шахсан қатнашиш имкониятига эга бўладилар.

Дунё бўйлаб фотосуратчиларнинг эътиборини жалб қилиш ва бутун дунё бўйлаб экспозицияни тўплаш учун халқаро маслаҳатчи ва эксперт Бенуа Делпланк раҳбарлигидаги жамоа фотосуратларни танлаш учун жалб қилинди. У профессионал продюсер бўлиб, санъат майдончалари учун экспозицияларни ташкил қилишда кенг тажрибага эга.

Фотокўргазма 14-20 ноябрь кунлари «Ҳумо Арена»да бўлиб ўтади. Кириш бепул, аниматорлар, ўйин майдонлари оналар ва болалар учун ишлайди.

Фотосуратчилар учун батафсил техник талаблар қуйидаги ҳавола орқали билдирилган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер