Vetnamning yaqindagina saylangan prezidenti To Lam mamlakatning yagona partiyasi boʻlgan Kommunistik partiyasi syezdida bosh kotib etib saylandi. Bu esa uning amaldagi vazifasidan ketishini anglatishi mumkin.

“Deutsche Welle” nashrining yozishicha, partiya kotibligi mamlakatdagi eng kuchli siyosiy roldir. Kommunistik partiya rahbari partiyani boshqaradi, prezident esa davlat boshligʻi hisoblanadi.

To Lam ikki hafta oldin vafot etgan VKPning uzoq yillik rahbari Nguyen Phu Trongning oʻrnini egallaydi. Uning prezidentlik lavozimida davom etish yoki etmasligi hali ham noaniq, ammo, shunga qaramay, uning ikki lavozimda ham qolishi ehtimoldan holi emas.

Partiya delegatlari oldida soʻzlagan Lam, Trongning korrupsiyaga qarshi kuchli saʼy-harakatlarini davom ettirishga vaʼda berdi. U Jamoat xavfsizligi vazirligida ishlagan vaqtida korrupsiyaga qarshi kurash boʻyicha katta tajribasini eslatib oʻtdi.

Maʼlum qilinishicha, Vetnamning tashqi siyosati oʻzgarishsiz qoladi. Tahlilchilar prezidentlikni mamlakatning oliy yetakchisi boʻlish yoʻlidagi pogʻona sifatida baholamoqda.

To Lam 2024-yilning 22-mayidan boshlab Vetnam sotsiologik respublikasida prezidentlik mandatini boshlagan edi.

Avvalroq, Ukraina askarlari rus harbiylariga Xarkovda pistirmalar qoʻyayotgani haqida xabar berilgandi.