Mamlakatimizda keyingi yillarda yetim va ota-ona qaramogʻidan mahrum boʻlgan bolalarni davlat tomonidan qoʻllab-quvvatlash, ularning huquqlari va ijtimoiy himoyasini taʼminlash borasida keng koʻlamli ishlar olib borilmoqda.

Ayni jarayonda davlatimiz rahbarining 2021-yil 9-avgustdagi “Yetim bolalar va ota-ona qaramogʻidan mahrum boʻlgan bolalarni davlat tomonidan qoʻllab-quvvatlashning yangi tizimini joriy etish chora-tadbirlari toʻgʻrisida»gi qarori muhim dasturilamal boʻlayotir.

Bu qaror ijrosini taʼminlash maqsadida Fargʻona viloyatining Qoʻshtepa tumani hokimligi tomonidan ikki nafar uy-joyga muhtoj bolalarga Fargʻona va Margʻilon shahridan 2 ta zamonaviy, toʻliq jihozlangan uy-joylar tantanali ravishda topshirildi.

— Hozirda 21 yoshdaman, — deydi Sodiqjon Sobirov. — Aniq ish joyim hamda Vatan ichra kichik vatan hisoblanuvchi oʻz uy-joyimga ega boʻldim. Endi oila qurib, jamiyat ravnaqi uchun mehnat qilish, yaxshi farzandlar tarbiyalash niyatidaman.

Botir MADIYOROV, “Xalq soʻzi”.