Ukraina askarlari rus harbiylariga Xarkovda pistirmalar uyushtirmoqda
![](https://xs.uz/upload/post/2024/08/02/4e9395cee69e8c7eb909248ea7fae3170802.png)
Foto: oafnation.com
Ukraina armiyasi Xarkov viloyatining shimoli-sharqidagi janglarda rus radio aloqa uskunalarini qoʻlga kiritgan boʻlishi mumkin. Bu orqali ular rus askarlariga pistirmalar qoʻyish va yolgʻon axborot uzatish bilan shugʻullangan, deb taxmin qilinmoqda.
Maʼlum boʻlishicha, Ukrainaning 3-alohida hujum brigadasi tarqatgan videoda ukrain askarlari dushman radiosini qoʻlga olib, rus askarlariga pistirma qoʻygani tasvirlangan. Kadrlarda Ukraina qoʻshinlari ikki rus askarini ularga qarata oʻq uzmaslik uchun radiodan foydalangani koʻrsatilgan.
Rossiya may oyi boshida Xarkovga hujum uyushtirib, bir qancha qishloqlarni egallab olgan edi. Pistirmadan hujumga oʻtish holati muhim jang maydoni boʻlgan viloyatning shimoli-sharqiy hududida sodir boʻldi. Hozirda Kiyev alohida guruhlar yordamida Moskvaga qarshi harakatlarni kuchaytirgan. Bu esa Rossiyaning boshqa yoʻnalishda hujumga oʻtishiga sabab boʻlishi mumkin.
Prezident Vladimir Zelenskiy Rossiyaning yangi hujum nuqtasi sharqiy Donesk viloyatidagi Pokrovsk boʻlishini aytmoqda. “Moskva kuchlari hozir Pokrovsk hududiga shaxsiy tarkibi, qurollari va resurslarini jamlamoqda”, deyiladi xabarda.
Zelenskiyning taʼkidlashicha, Rossiyaning Xarkov hujumida tez-tez pistirmalarga uchrayotgani va yoʻqotishlari bunday front oʻzgarishiga sabab boʻlgan. “Newsweek” hozircha bu daʼvolarni mustaqil ravishda tasdiqlay olmaganini va Rossiya Mudofaa vazirligidan izoh ololmaganini bildirdi.
Avvalroq, Rossiya yangi xavfli dronlarini jangga chiqargani haqida xabar berilgandi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring