Arxiv foto

Birgina 2024-yilning oʻzida Ukraina Qurolli Kuchlari saflarida halok boʻlganlar va yaradorlar soni 590 ming harbiy xizmatchini tashkil etdi. Bu haqda Rossiya Qurolli kuchlari Bosh shtabi Bosh operativ boshqarmasi boshligʻi Sergey Rudskoy “Krasnaya zvezda” nashriga bergan intervyusida maʼlum qildi.

Uning soʻzlariga koʻra, Rossiyaning Ukrainadagi maxsus harbiy operatsiyasi boshlanganidan beri bu raqamlar 1 million kishidan oshgan.

Shu yilning 16-fevral kuni Ukraina prezidenti Vladimir Zelenskiy “NBC” telekanaliga bergan intervyusida Ukraina Qurolli kuchlarining tuzatib boʻlmaydigan ishchi kuchi yoʻqotishlari 46 ming nafar askarni tashkil etgani, 380 ming nafari esa yaralanganini aytgan edi. Shu bilan birga, u Ukraina armiyasining haqiqiy yoʻqotishlari rasmiy xabarlardagidan koʻproq boʻlishi mumkinligini tan olgandi.

Oʻtgan yilning dekabr oyida Rossiya Qurolli Kuchlari Bosh shtabi boshligʻi Valeriy Gerasimov Markaziy harbiy okrug tashkil etilgandan beri Ukraina Qurolli Kuchlarining yoʻqotishlari bir millionga yaqin kishini tashkil etgani haqida xabar bergan edi. Ukraina Qurolli Kuchlari ishchi kuchidagi yoʻqotishlardan tashqari, 20 mingga yaqin tank va zirhli jangovar texnikani, 19,5 mingdan ortiq dala artilleriyasini ham yoʻqotgan.