Tramp Nigeriyaga qoʻshin kiritish ehtimolini istisno etmadi
AQSH Nigeriya hududiga oʻz qoʻshinlarini yuborishi yoki aviatsiya zarbalarini amalga oshirishi mumkin. Bu haqda AQSH prezidenti Donald Tramp jurnalistlar savoliga javoban maʼlum qildi.
“Balki. Men koʻp narsani ehtimol deb hisoblayman. Nigeriyada nasroniylar rekord darajada oʻldirilmoqda. Ular katta miqyosda qirilmoqda. Biz bunga yoʻl qoʻymaymiz”, — dedi Tramp.
Eslatib oʻtamiz, oktyabr oyining oxirida Donald Tramp Nigeriyaga “alohida xavotir uygʻotuvchi mamlakat” maqomini bergan edi. Bu qaror nasroniylarning islomiy radikal guruhlar tomonidan ommaviy oʻldirilishi bilan izohlangan.
Nigeriya hukumati Trampning bayonotini rad etdi va mamlakatda nasroniylik yoʻqolish xavfi ostida ekani haqidagi iddaolarni voqelikka muvofiq emas, deb baholadi. Tashqi ishlar vazirligi bu kabi daʼvolar mamlakatdagi xavfsizlik vaziyatini notoʻgʻri aks ettirishini qayd etdi.
Shuningdek, avvalroq Donald Tramp Pentagonga Nigeriyada ehtimoliy harbiy amaliyotlarga tayyorgarlik koʻrish boʻyicha topshiriq bergani xabar qilingan edi.
Tavsiya etamiz
Ko‘p o‘qilganlar
- Prezident Oʻzbekiston bojxona sohasi xodimlariga tabrik yoʻlladi
- “Nigilist pingvin”. Ruhan ezilgan va hayotdan maʼno izlayotganlar uchun noodatiy mem ommalashmoqda
- Toshkentda Osiyo Olimpiya kengashiga yangi rahbar saylandi (+fotoreportaj)
- Oʻzbekiston armiyasi Markaziy Osiyoda birinchi o'rinda — dunyo armiyalari reytingi eʼlon qilindi
- “Yangi Oʻzbekiston yulduzlari” milliy mukofoti xalqaro darajaga koʻtarilmoqda
- Oʻzbekistonda ilmiy laboratoriyalarning sunʼiy intellektga asoslangan yagona ilmiy platformasi ishga tushiriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring