Трамп Нигерияга қўшин киритиш эҳтимолини истисно этмади
АҚШ Нигерия ҳудудига ўз қўшинларини юбориши ёки авиация зарбаларини амалга ошириши мумкин. Бу ҳақда АҚШ президенти Дональд Трамп журналистлар саволига жавобан маълум қилди.
«Балки. Мен кўп нарсани эҳтимол деб ҳисоблайман. Нигерияда насронийлар рекорд даражада ўлдирилмоқда. Улар катта миқёсда қирилмоқда. Биз бунга йўл қўймаймиз», — деди Трамп.
Эслатиб ўтамиз, октябрь ойининг охирида Дональд Трамп Нигерияга «алоҳида хавотир уйғотувчи мамлакат» мақомини берган эди. Бу қарор насронийларнинг исломий радикал гуруҳлар томонидан оммавий ўлдирилиши билан изоҳланган.
Нигерия ҳукумати Трампнинг баёнотини рад этди ва мамлакатда насронийлик йўқолиш хавфи остида экани ҳақидаги иддаоларни воқеликка мувофиқ эмас, деб баҳолади. Ташқи ишлар вазирлиги бу каби даъволар мамлакатдаги хавфсизлик вазиятини нотўғри акс эттиришини қайд этди.
Шунингдек, аввалроқ Дональд Трамп Пентагонга Нигерияда эҳтимолий ҳарбий амалиётларга тайёргарлик кўриш бўйича топшириқ бергани хабар қилинган эди.
Тавсия этамиз
Кўп ўқилганлар
- Президент Ўзбекистон божхона соҳаси ходимларига табрик йўллади
- «Нигилист пингвин». Руҳан эзилган ва ҳаётдан маъно излаётганлар учун ноодатий мем оммалашмоқда
- Тошкентда Осиё Олимпия кенгашига янги раҳбар сайланди (+фоторепортаж)
- Ўзбекистон армияси Марказий Осиёда биринчи ўринда — дунё армиялари рейтинги эълон қилинди
- «Янги Ўзбекистон юлдузлари» миллий мукофоти халқаро даражага кўтарилмоқда
- Ўзбекистонда илмий лабораторияларнинг сунъий интеллектга асосланган ягона илмий платформаси ишга туширилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг