Toshkentda shaxmat boʻyicha “Central Asia Chess Cup 2023” xalqaro turniri boʻlib oʻtmoqda

11:56 23 Yanvar 2023 Sport
330 0

Oʻzbekiston shaxmat federatsiyasi maʼlumotiga koʻra, poytaxtimizdagi Xalqaro shaxmat akademiyasi mezbonlik qilayotgan turning umumiy mukofot jamgʻarmasi 18 ming AQSH dollariga teng.

Musobaqada Qozogʻiston, Qirgʻiziston, Tojikiston, Turkmaniston va Oʻzbekistondan 57 nafar shaxmatchi gʻoliblik uchun bahs olib bormoqda. Musobaqaning 6 ta turi ortda qoldi. Uning natijalariga koʻra, yurtdoshimiz Shamsiddin Vohidov 6 imkoniyatdan 5,5 ochko toʻplagan holda peshqadamlik qilmoqda. Keyingi oʻrinlarni 7 shaxmatchi egallagan. Barchasida bir xil natija: 4,5 ochko. Ular Ortiq Nigʻmatov, Saidakbar Saydaliyev, Bobir Sattorov (Oʻzbekiston), Azamat Utegaliyev, Ramazon Shalmaxanov, Murtas Kashgaliyev (Qozogʻiston), Mustafaxoʻja Husenxoʻjayev (Tojikiston). Qizlar orasida 4 ochko bilan Nilufar Yoqubboyeva (Oʻzbekiston) peshqadamlikni saqlab turibdi.

“Central Asia Chess Cup 2023” xalqaro 24-yanvarga qadar davom etadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер