Foto: Arxiv surat

Toshkentda bir nechta markaziy koʻchalarda transport harakati cheklanadi, deb xabar qildi poytaxt hokimligi matbuot xizmati.

Beshinchi Islom birdamlik oʻyinlarida ishtirok etgan Oʻzbekiston delegatsiyasining uchrashuvi munosabati bilan yoʻllar toʻsib qoʻyiladi.

Joriy yilning 19-avgust kuni soat 18:00 dan 23:00 ga qadar poytaxtning bir qator koʻchalarining uchastkalari transport harakati uchun yopiladi:

— Toshkent xalqaro aeroportidan — Qumariq va Sodiqjon Tolipov koʻchalari boʻylab Nukus koʻchasigacha;

— Nukus koʻchasidan uning Oybek koʻchasi bilan chorrahasigacha;

— Afrosiyob koʻchasi – Oybek koʻchasi bilan kesishgan chorrahadan Sharaf Rashidov shoh koʻchasigacha;

— Sharof Rashidov shoh koʻchasi — Afrosiyob koʻchasi bilan chorrahadan Navoiy shoh koʻchasi bilan chorrahagacha;

— Navoiy shoh koʻchasi — Sharaf Rashidov shoh koʻchasi bilan chorrahadan Amir Temur shoh koʻchasi bilan chorrahagacha;

— Amir Temur shoh koʻchasi — Navoiy shoh koʻchasi bilan chorrahadan Islom Karimov shoh koʻchasi bilan chorrahagacha;

— Islom Karimov shoh koʻchasi — Amir Temur shoh koʻchasi bilan chorrahadan Botir Zokirov koʻchasi bilan chorrahagacha;

— Botir Zokirov koʻchasidan Paxtakor koʻchasidagi 79-uygacha.