Foto: Bosh prokuratura

Toshkent viloyatida 13 ta noyob yodgorlikka 342 milliard soʻm zarar yetkazilgani aniqlanadi. Bu haqda Bosh prokuratura matbuot xizmati xabar berdi.

Maʼlum qilinishicha, Bosh prokuratura tomonidan Toshkent viloyatida madaniy meros obyektlarini muhofaza qilishga qaratilgan nazorat tadbirlari oʻtkazilgan.

Tekshirishda 13 ta noyob arxeologiya yodgorligiga jjami 342 milliard soʻm zarar yetkazilgani aniqlangan, xxususan:

• Oqqoʻrgʻon tumanida “Zokirtepa” (V – VII asrlar) yodgorligining 1400 m3 qismi terak ekish uchun qazilishi natijasida 44,6 milliard;
• “Sanchtepa” yodgorligining 129 m3 qismi yoʻl ochish uchun tekislanib 2,2 milliard;
• Parkent tumanida “Qoravultepa” yodgorligining 941 m3 qismi va “Yertepa” yodgorligining 23 m3 qismi buzilib, jami 16,4 milliard;
• Piskent tumanida “Mingtepa” (mil. avv. V asr) yodgorligining 7000 m3 qismi buzilib, 231 milliard;
• Ohangaron tumanida “Dumgalaktepa” (V — VI asrlar) yodgorligining 658 m3 qismi texnika yordamida qazilib 21 milliard;
• Yuqorichirchiq tumanida “Xojakaytepa” (V — VII asrlar) yodgorligining 43 m3 qismi tekislanib 1,3 milliard;
• Oʻrtachirchiq tumanida “Tuyaboʻgʻiztepa” yodgorligining 54 m3 qismi buzilib, 1,7 milliard;
• Nurafshon shahrida “Chordaratepa” (III — VIII asrlar) yodgorligining 38 m3 qismi buzilib 1,2 milliard soʻm zarar yetkazilgan.

Hozirda barcha holatlar yuzasidan jinoyat ishlari qoʻzgʻatilib, dastlabki tergov harakatlari olib borilmoqda.

“Nazorat tadbirlari davom ettirilmoqda”, deyiladi BP xabarida.