Toshkent viloyatida 1 tup chinor kesgan shaxs tabiatga qariyb 200 mln soʻm zarar yetkazdi
Foto: Toshkent viloyati Ekologiya boshqarmasi
Toshkent viloyatida koʻp yillik chinor daraxtini kesgan shaxs tabiatga 199 milliondan ortiq zarar yetkazdi. Bu haqda viloyat Ekologiya boshqarmasi matbuot xizmati xabar berdi.
Qayd etilishicha, boshqarma inspektorlari tomonidan Yangiyoʻl tumani Xalqobod MFY, Oʻzbekiston koʻchasida ekologik nazorat tadbirlari oʻtkazilgan.
Reyd davomida mazkur hududda yangi qurilgan avtomobillarni yuvish shoxobchasining kirish qismida bir tup koʻp yillik chinor daraxti tag qismidan kesilgani, bir tupining esa tana qismiga qasddan shikast yetkazilgani maʼlum boʻlgan.
Mazkur holat boʻyicha inspektorlar tomonidan tezkor surishtiruv oʻtkazib, holatni 1973-yilda Toshkent shahri Chilonzor tumani, Gavhar koʻchasida yashovchi fuqaro X.D. tomonidan sodir etilganligi aniqlangan.
“Ushbu holat yuzasidan “Oʻsimlik dunyosini muhofaza qilish va undan foydalanish toʻgʻrisida”gi qonunning tegishli moddalari talablarini buzilgani va 199 million soʻmdan ortiq miqdorida tabiatga zarar yetkazganligi aniqlandi”, deyiladi xabarda.
Qoʻshimcha qilinishicha, hozirgi kunda ish boʻyicha tegishli hujjatlar rasmiylashtirilib Toshkent viloyati prokuraturasiga yuborish choralari koʻrilmoqda.
Tavsiya etamiz
Ko‘p o‘qilganlar
- Bosh prokuratura Allamjonov suiqasdiga oid qoʻshimcha axborotni ochiqladi
- 2025-yilda ish haqi, pensiya va nafaqalar qanchaga oshirilishi maʼlum boʻldi
- DXX va Mudofaa vazirligi rahbariyatidagi tayinlovlar rasmiy eʼlon qilindi
- Davlatimiz rahbari Toshkent shahridagi Yangihayot va Bektemir tumanlariga tashrif buyurdi — Fotoreportaj
- Sharqda hammasi tinch emas: Xitoy va AQSH Tinch okeanida faollashgani aytilmoqda
- Vatan va vijdon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring