“Telegram” oʻz saytida messenjer siyosati yoki qonunlariga mos kelmaydigan hamda buzgʻunchi kontentlar tarqatilgan yuz minglab kanallarni bloklagani haqida xabar berdi.

Maʼlum qilinishicha, 2024-yilda messenjerda jami 15,3 millionta guruh va kanallar bloklangan.

“Telegram” har kuni oʻn minglab guruhlar va kanallarni bloklaydi hamda uning xizmat koʻrsatish shartlarini buzuvchi millionlab kontentni, jumladan, zoʻravonlikka chaqiriqlar, bolalarga nisbatan zoʻravonlik materiallarini tarqatish va noqonuniy mahsulotlarni sotish kabi kontentlarni oʻchirib tashlaydi“, deyiladi xabarda.

Joriy yil davomida bolalarga nisbatan jinsiy zoʻravonlik mavzusiga oid materiallarni oʻz ichiga olgan deyarli 702 ming guruh, shuningdek, terrorchilik faoliyati bilan bogʻliq boʻlgan 129 mingga yaqin guruh va kanallar bloklangan.

Bundan tashqari, terrorizmga oid 100 milliondan ortiq kontent yoʻq qilingan.

Messenjer 2015-yildan boshlab foydalanuvchilardan shikoyatlarni qabul qilish hamda maxsus monitoring usullarini amalga oshirib kelmoqda. “Telegram” 2022-yildan beri ekstremistik mafkuraga qarshi kurash global markazi bilan ham hamkorlik qiladi. 2024-yildan boshlab sunʼiy intellektga asoslangan moderatsiya vositalari ham joriy etilgan.