Qozogʻistonning Nur-Sultan shahrida sport kurashlari boʻyicha jahon chempionatining uchinchi kun bellashuvlari start olmoqda. Bu haqda MOQ matbuot xizmati xabar berdi.

Bugun musobaqaning uchinchi kun dasturida yunon-rim kurashi boʻyicha -60, -77 va -130 kilogramm vazn toifalarida saralash bahslari oʻtkaziladi. Ushbu vazn toifalarida Elmurat Tasmuradov (-60 kg) va Moʻminjon Abdullayev (-130 kg) uchinchi, Jalgasbay Berdimuratov (-77 kg) esa ilk Olimpiadasi uchun harakat qiladi.

-60 kg: Elmurat Tasmuradov – Gevorg Gʻaribyan (Armaniston)

-77 kg: Jalgasbay Berdimuratov – Tamash Lorins (Vengriya)

-130 kg: Moʻminjon Abdullayev – Miloslav Metodiyev (Bolgariya)

Kechki dasturda Tokio-2020 Olimpiadasiga yoʻllanma olgan vakilimiz Rustam Assakalov (-87 kg) bronza medali uchun kurash olib borsa, Jahongir Turdiyev (-97 kg) yaponyalik Yuta Nara bilan oʻtish bosqichida qatnashadi. Taʼkidlash joiz, Turdiyev uchinchi oʻrin uchun kurashish imkoniyatiga ega boʻlsa, u ham kelasi yil Tokio Olimpiadasida ishtirok etish huquqiga ega boʻladi.