Tanzaniyalik yozuvchi Adabiyot yoʻnalishida 2021-yilgi Nobel mukofoti sovrindori boʻldi

18:02 07 Oktyabr 2021 Dunyo
523 0

Tanzaniyalik yozuvchi Abdulrazzoq Gurna Adabiyot yoʻnalishida 2021-yilgi Nobel mukofoti sovrindori boʻldi.

U “istilochilik oqibatlari hamda madaniyatlar va qitʼalar orasiga tushib qolgan qochoqlar taqdiri mavzusini yoritgani uchun” ushbu mukofotga loyiq koʻrildi. Abdulrazzoq Gurna hozir Buyuk Britaniyada yashaydi.

Joriy yilning 4-oktyabrdan Nobel mukofoti sovrindorlarini eʼlon qilish haftaligi boshlangan edi. 

Bungacha Tibbiyot va fiziologiya yoʻnalishida nufuzli mukofot Kaliforniya universiteti professori Devid Julius va AQSHdagi Skrips ilmiy-tadqiqot instituti xodimi Ardem Pataputyan, Fizika boʻyicha Jorjio Parizi, Klaus Hasselman va Syukuro Manabe, Kimyo yoʻnalishida Benjamin List va Devid Makmillan mukofotga loyiq koʻrilgan edi.

Nobel mukofotining Tinchlik va Iqtisodiyot boʻyicha sovrindorlari 8 va 11-oktyabr kunlari  eʼlon qilinadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?