Taniqli oʻzbek kinoijodkorlaridan iborat delegatsiya Turkiyadagi kinofestivalda ishtirok etadi

15:53 09 Noyabr 2021 Madaniyat
803 0

Bugundan Turkiyaning Istanbul shahrida «Korkut ATA» kinofestivali oʻz ishini boshladi. Xalqaro kinofestivalda Oʻzbekiston, Ozarbayjon, Qozogʻiston, Qirgʻiziston, Turkiya, Turkmaniston, Vengriya, Ukraina va boshqa mamlakatlardan 42 ta film ishtirok etadi.

Bu haqda Kinematografiya agentligi Axborot xizmati maʼlum qildi.

Festivalda Oʻzbekistondan Kinematografiya agentligi bosh direktori Firdavs Abduxoliqov, xalq artistlari Saida Rametova, Gavhar Zokirova, Dilorom Karimova, Tohir Saidov, shuningdek, mahoratli oʻzbek aktrisalari Rayhon Ulasenova, Dilnoza Kubayeva, Nigina Anarboyeva, Asal Shodiyeva, Sitora Farmonova, Shahzoda Muhammedova, kinoaktyor Rixsitilla Abdullayev va boshqa oʻzbek kinoijodkorlari ishtirok etadi.

Festival dasturiga koʻra, oʻzbekistonlik kinoijodkorlar bilan “Oʻzbek kino kunlari” ijodiy kechasi tashkil etiladi. Shuningdek, Turkiya kinoteatrlarida Oʻzbekiston Kinematografiya agentligi buyurtmasiga binoan suratga olingan “Xalq jasorati” (rej. Ali Hamroyev), “Ilhaq” (rej. Jahongir Ahmedov), “Tutqunlik” (rej. Rashid Malikov) kabi filmlarning premyerasi oʻtkaziladi. 

Bundan tashqari, kinofestival doirasida Oʻzbekiston va Turkiya kinematograflarining hamkorligini taʼminlash yuzasidan videomuloqot, badiiy va hujjatli filmlar hamda teleseriallar ishlab chiqarish boʻyicha memorandumlar imzolanishi kutilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?