Таниқли ўзбек киноижодкорларидан иборат делегация Туркиядаги кинофестивалда иштирок этади

15:53 09 Ноябрь 2021 Маданият
768 0

Бугундан Туркиянинг Истанбул шаҳрида «Коркут АТА» кинофестивали ўз ишини бошлади. Халқаро кинофестивалда Ўзбекистон, Озарбайжон, Қозоғистон, Қирғизистон, Туркия, Туркманистон, Венгрия, Украина ва бошқа мамлакатлардан 42 та фильм иштирок этади.

Бу ҳақда Кинематография агентлиги Ахборот хизмати маълум қилди.

Фестивалда Ўзбекистондан Кинематография агентлиги бош директори Фирдавс Абдухолиқов, халқ артистлари Саида Раметова, Гавҳар Зокирова, Дилором Каримова, Тоҳир Саидов, шунингдек, маҳоратли ўзбек актрисалари Райҳон Уласенова, Дилноза Кубаева, Нигина Анарбоева, Асал Шодиева, Цитора Фармонова, Шаҳзода Муҳаммедова, киноактёр Рихситилла Абдуллаев ва бошқа ўзбек киноижодкорлари иштирок этади.

Фестиваль дастурига кўра, ўзбекистонлик киноижодкорлар билан «Ўзбек кино кунлари» ижодий кечаси ташкил этилади. Шунингдек, Туркия кинотеатрларида Ўзбекистон Кинематография агентлиги буюртмасига биноан суратга олинган «Халқ жасорати» (реж. Али Ҳамроев), «Илҳақ» (реж. Жаҳонгир Аҳмедов), «Тутқунлик» (реж. Рашид Маликов) каби фильмларнинг премьераси ўтказилади. 

Бундан ташқари, кинофестиваль доирасида Ўзбекистон ва Туркия кинематографларининг ҳамкорлигини таъминлаш юзасидан видеомулоқот, бадиий ва ҳужжатли фильмлар ҳамда телесериаллар ишлаб чиқариш бўйича меморандумлар имзоланиши кутилмоқда.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер