Surxondaryo viloyati hokimligida oʻzbek futbolining 110-yilligiga bagʻishlangan uchrashuv boʻlib oʻtdi.

Unda Surxondaryo viloyati hokimi, viloyat futbol assotsiatsiyasi prezidenti Toʻra Bobolov, OʻFA vitse-prezidenti Odil Ahmedov va oʻzbek futboli faxriylari ishtirok etishdi.

Uchrashuvda Toʻra Bobolov viloyatda futbol rivoji yoʻlida amalga oshirilgan ishlar va boʻlajak rejalar bilan oʻrtoqlashdi.

Uchrashuv soʻngida viloyat hokimi Toʻra Bobolovga “Oʻzbekiston futboli rivojiga qoʻshgan hissasi uchun” koʻkrak nishoni topshirildi. Bundan tashqari, bir qator faxriylarga esdalik sovgʻalari berildi.

Shundan soʻng, “Surxon” markaziy stadionida oʻzbek futboli faxriylari oʻrtasida futbol uchrashuvi boʻlib oʻtdi.

Uchrashuvdan oldin OʻFA vitse-prezidenti Odil Ahmedov va OʻFA Faxriylar kengashi raisi Toʻlagan Isoqov barchani oʻzbek futbolining 110-yilligi bilan tabriklab, surxon oʻlkasining oʻzbek futboliga qoʻshgan ulkan hissasini taʼkidlab oʻtishdi. Ularga koʻkrak nishonlari va esdalik sovgʻalar topshirildi.

Shu bilan Surxondaryo viloyatidagi oʻzbek futbolining 110-yillik bayram tadbirlari oʻz yakuniga yetdi.