Urunov Bahodir Ibatovich — Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirining tegishli buyrugʻi bilan Surxondaryo viloyati Ekologiya, atrof-muhitni muhofaza qilish va iqlim oʻzgarishi boshqarmasi boshligʻi lavozimiga tayinlandi.

B.Urunov 1974-yilda Shoʻrchi tumanida tugʻilgan. 1997-yilda Termiz davlat universitetini tamomlagan. Maʼlumoti boʻyicha mutaxassisligi — kimyogar.

Mehnat faoliyati davomida Ekologiya va atrof-muhitni muhofaza qilish boshqarmasida boshliq oʻrinbosari, boshqarma boshligʻi hamda Tabiat resurslari vazirligi Korrupsiyaga qarshi kurashish va ichki audit boʻlimi boshligʻi lavozimlarida faoliyat yuritgan.

Tayinlovga qadar Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vazirligi Korrupsiyaga qarshi kurashish, komplaens va ichki audit boʻlimi boshligʻi lavozimida mehnat qilib kelayotgan edi.