Joriy yil yanvar-iyun oylarida Xitoy shimoli-gʻarbidagi Sinszyan-Uygʻur avtonom rayonining Markaziy Osiyoning beshta davlati bilan tovar ayirboshlash hajmi 75,1 foizga oʻsib, 119,66 milliard yuanga yoki 16,71 milliard dollarga yetdi.

“Sinxua” Xitoy davlat axborot agentligi maʼlumotiga koʻra, umuman olganda, Shinjonning tashqi savdosi joriy yilning birinchi yarmida 65,2 foizga oʻsib, soʻnggi oʻn yillikdagi eng yuqori koʻrsatkich 149,62 milliard yuanni (taxminan 20,9 milliard dollar) tashkil etdi, bu koʻrsatgich oʻtgan yilning shu davriga nisbatan 65,2 foizga oʻsdi.

“Sinszyan Xitoyning «Bir kamar va yoʻl” boʻyidagi mamlakatlar oʻrtasida yaqin savdo-iqtisodiy almashinuv, mamlakatdan yuqori qoʻshimcha qiymatga ega mahsulotlar eksportida ijobiy tendensiya va qishloq xoʻjaligi importi bosqichma-bosqich kengayib borayotganidan guvohlik bermoqda, - deyiladi agentlik xabarida. - Yanvar-iyun oylari davomida Sinszyanning “Bir kamar va yoʻl” boʻyidagi mamlakatlar bilan savdo aylanmasi 138,3 milliard yuanga yetdi va 68,2 foizga oʻsishga  erishdi. Mintaqaning Markaziy Osiyoning beshta davlati bilan oʻzaro tovar ayirboshlash hajmi 75,1 foizga oshib, 119,66 milliard yuanga yetdi».

Maʼlumotlarga koʻra, joriy yilning birinchi yarmida Sinszyanning elektr transport vositalari va quyosh panellari eksporti mos ravishda 363,3 foizga va 55,9 barobarga oshgan. “Bu mahalliy yuqori qoʻshilgan qiymatga ega mahsulotlarning raqobatbardoshligi oshib borayotganidan dalolat beradi”, -  deb yozadi “Sinxua”.