Oʻzbekiston olimpiya terma jamoasi ustozi Timur Kapadze 26-iyuldan 11-avgustgacha davom etadigan “Parij-2024” Olimpiada oʻyinlariga olib ketishni reja qilgan uch nafar yoshi katta futbolchining ismini maʼlum qildi. Bu haqda “Chempianat.Asia” nashri xabar bermoqda.

Maʼlum qilishicha, olimpiya oʻyinlariga terma jamoamiz U-23 yosh toifasidan kattalar limitidan toʻliq foydalangan holda Eldor Shomurodov, Oston Oʻrunov va Husniddin Aliqulovni Parijga olib ketadi.

Olimpiadaning futbol yoʻnalishida jamoalar faqatgina 18 nafar futbolchini roʻyxatga qoʻshishlari mumkin. Bundan tashqari, yana 4 nafar oʻyinchini zaxira varianti sifatida roʻyxatdan oʻtkazish imkoniyatiga ega.

U-23 Oʻzbekiston Olimpiada jamoasi mustaqil Oʻzbekiston tarixida ilk marotaba sportning futbol yoʻnalishida toʻrt yillikning eng nufuzli musobaqasiga yoʻllanmani qoʻlga kiritishgan va shu sababli 30 ming AQSH dollari miqdorida mukofotlangandi.