Shavkat Mirziyoyev Oliy Majlis Qonunchilik palatasining saylovdan keyingi birinchi majlisida nutq soʻzlamoqda

12:35 18 Noyabr 2024 Siyosat
209 0

Ayni paytda Prezident Shavkat Mirziyoyev Oliy Majlis Qonunchilik palatasining saylovdan keyingi birinchi majlisida nutq soʻzlamoqda. Bu haqda Prezident matbuot kotibi Sherzod Asadov xabar bermoqda.

Davlatimiz rahbari soʻzining avvalida Oliy Majlis Qonunchilik palatasiga saylovda deputat degan sharafli nomga sazovor boʻlganlarni tabriklagan va Prezidentimiz tomonidan bu yuksak ishonch ularning boy bilimi va hayotiy tajribasi, el-yurtimiz farovonligi yoʻlida qilayotgan fidoyi mehnatiga nisbatan xalqimizning ulkan hurmat va ehtiromi ifodasi ekani taʼkidlandi.

“Har qanday saylov davlat va jamiyat uchun muhim siyosiy jarayon. Ayniqsa, jahondagi bugungi keskin va tahlikali vaziyatda bunday umumxalq tadbirlarini oʻtkazish yanada katta masʼuliyat talab etadi. Turli mintaqalarda urush va janjallar, qarama-qarshilik va ziddiyatlar avj olib bormoqda.

Ana shunday gʻoyat murakkab davrda saylovlarni osoyishtalik sharoitida, emin-erkin oʻtkazganimiz yurtimizda hukm surayotgan tinchlik va barqarorlikdan dalolat beradi. Prezident barchamiz bu bebaho boyligimizni koʻz qorachigʻidek asrab-avaylashimiz va mustahkamlashimiz kerakligini qayd etdi.

Xorijiy tashkilotlar va kuzatuvchilar ham boʻlib oʻtgan saylov jarayonlari xalqaro standartlarga toʻla mos holda oʻtganini eʼtirof etib, ularga yuqori baho bergani taʼkidlandi”, deyiladi xabarda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?