Saudiya Arabistoni delegatsiyasi Samarqandni ziyorat qildi

19:04 30 Sentyabr 2022 Siyosat
1056 0

Yurtimizda mehmon boʻlib turgan Saudiya Arabistoni Podshohligi haj va umra ishlari vaziri Tavfiq bin Favzon ar-Rabia boshchiligidagi delegatsiya Samarqandga tashrif buyurdi.

Mehmonlarni Samarqand temir yoʻl vokzalida viloyat hokimi Erkinjon Turdimov kutib oldi. Shu yerda kechgan suhbat chogʻida Saudiya Arabistoni shaharlari va Samarqand oʻrtasida ziyorat turizmi sohasida hamkorlikni kengaytirish, bu borada birgalikda loyihalarni amalga oshirish yuzasidan fikr almashildi.

Tavfiq bin Favzon ar-Rabia boshchiligidagi delegatsiya Imom Buxoriy majmuasini ziyorat qildi. Ularga ushbu muqaddas maskanda davlatimiz rahbari tashabbusi bilan amalga oshirilayotgan qurilish-bunyodkorlik, obodonlashtirish ishlari haqida batafsil maʼlumot berildi. Majmua ochilgach, bu yerda ziyoratchilar uchun xalqaro talablarga mos qulaylik va imkoniyatlar yaratilishi taʼkidlandi.

Saudiyalik mehmonlar Samarqanddagi boshqa tarixiy-madaniy yodgorliklar va yangi obyektlar bilan ham tanishdi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?