Саудия Арабистони делегацияси Самарқандни зиёрат қилди
Юртимизда меҳмон бўлиб турган Саудия Арабистони Подшоҳлиги ҳаж ва умра ишлари вазири Тавфиқ бин Фавзон ар-Рабиа бошчилигидаги делегация Самарқандга ташриф буюрди.
Меҳмонларни Самарқанд темир йўл вокзалида вилоят ҳокими Эркинжон Турдимов кутиб олди. Шу ерда кечган суҳбат чоғида Саудия Арабистони шаҳарлари ва Самарқанд ўртасида зиёрат туризми соҳасида ҳамкорликни кенгайтириш, бу борада биргаликда лойиҳаларни амалга ошириш юзасидан фикр алмашилди.
Тавфиқ бин Фавзон ар-Рабиа бошчилигидаги делегация Имом Бухорий мажмуасини зиёрат қилди. Уларга ушбу муқаддас масканда давлатимиз раҳбари ташаббуси билан амалга оширилаётган қурилиш-бунёдкорлик, ободонлаштириш ишлари ҳақида батафсил маълумот берилди. Мажмуа очилгач, бу ерда зиёратчилар учун халқаро талабларга мос қулайлик ва имкониятлар яратилиши таъкидланди.
Саудиялик меҳмонлар Самарқанддаги бошқа тарихий-маданий ёдгорликлар ва янги объектлар билан ҳам танишди.
Тавсия этамиз
Кўп ўқилганлар
- Президент Ўзбекистон божхона соҳаси ходимларига табрик йўллади
- Тошкентда Осиё Олимпия кенгашига янги раҳбар сайланди (+фоторепортаж)
- «Янги Ўзбекистон юлдузлари» миллий мукофоти халқаро даражага кўтарилмоқда
- АҚШ Адлия вазирлиги Эпштейн иши бўйича 3 миллионта файлни эълон қилди
- Трамп Кубадан келаётган таҳдид сабаб АҚШда фавқулодда ҳолат эълон қилди
- Тошкентдаги Халқаро конгресс марказида Осиё Олимпия кенгашининг 46-Бош Ассамблеяси бўлиб ўтмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг