Foto: Reuters

Rossiya Ukraina janubidagi Odessa viloyatidagi port infratuzilmasiga zarba berishi oqibatida kamida 6 kishi halok boʻldi. Bosh vazir oʻrinbosari Oleksiy Kuleba Panama bayrogʻi ostidagi konteyner kemasi soʻnggi toʻrt kun ichida mintaqadagi uchinchi hujumi tufayli zarar koʻrganini maʼlum qildi.

Ukraina harbiylari Rossiyaning janubiy Krasnodar oʻlkasida “Shahed” dronlari saqlanadigan bazaga zarba berganini aytmoqda. Bosh shtab bayonotiga koʻra, hujum dengiz kuchlari va SBU razvedka xizmati tomonidan birgalikda amalga oshirilgan. Favqulodda xizmatlar taxmin qilingan hujum joyi atrofida katta yongʻin chiqqani haqida xabar bergan boʻlsa-da, Rossiya tomonida hozircha bu maʼlumotga rasmiy izoh yoʻq.

Ukraina Bryansk viloyatidagi raketa va artilleriya qurollari uchun oʻq-dorilar, shu jumladan Shimoliy Koreyadan olib kelingan oʻq-dorilar saqlanadigan Rossiya qurollari arsenaliga ham zarba berganini qoʻshimcha qildi. Keyinroq Bryansk hukumati portlovchi obyektlar portlashi ortidan favqulodda holat eʼlon qildi.

“Rossiya havo hujumidan mudofaa boʻlinmalari gʻarbiy hududlarni nishonga olgan 47 ta Ukraina dronlarini yoʻq qildi”, — deya xabar bergan mamlakat mudofaa vazirligi. Mintaqa rasmiylari qurbonlar haqida maʼlumot yoʻqligini aytdi.

Rossiya Mudofaa vazirligi oʻzining Kursk viloyatidagi Novaya Sorochina va Pokrovskiy qishloqlari Ukraina tomonidan avgust oyidagi kutilmagan hujumda qoʻlga kiritilganidan keyin qaytarib olinganini maʼlum qildi.

Siyosat va diplomatiya

Ukraina prezidenti Vladimir Zelenskiy janubi-sharqiy Yevropa yetakchilarining Xorvatiyada boʻlib oʻtgan sammitida 2025-yilda urushni toʻxtatish uchun hal qiluvchi choraga erishish mumkinligini taʼkidladi. Zelenskiy nimaga tayanib bunday deganiga izoh bermagan.

Ukrainaning Gʻarbdagi ittifoqchilarini Rossiya ichidagi harbiy nishonlarga uzoq masofaga moʻljallangan qurollardan foydalanishga ruxsat berishga chaqirayotgan Zelenskiy payshanba kuni Yevro boʻylab yigʻilishlarda Emmanuel Makron, Kir Starmer, Jorja Meloni va NATO Bosh kotibi Mark Ryutte bilan muzokaralar oʻtkazishi kerak.

Yevropa Ittifoqi elchilari Ukrainaga Rossiya markaziy bankining muzlatilgan aktivlari hisobidan 35 milliard yevro miqdorida kredit berish rejasini maʼqulladi.

Yevrokomissiya rahbari Ursula fon der Lyayen Vengriya Rossiya bilan yaqin aloqalari natijasida Yevropa xavfsizligini xavf ostiga qoʻyganini aytdi. Unga koʻra, Vengriya Bosh vaziri Viktor Orban Yevroparlamentda boʻlib oʻtgan munozarada Rossiyaga qarshi urushda Ukrainaga yordam berishda Yevropa Ittifoqi hamkorlariga qoʻshilishni istamagan.

Ukraina joriy yil oxirigacha yangi tinchlik sammiti tashkil etishni maqsad qilgan va bu safar Rossiyaning ishtirok etishini istaydi. U uchrashuvda Moskva bilan har qanday toʻgʻridan-toʻgʻri ikki tomonlama muzokaralarni istisno qilib, muhokama uchinchi tomon vositachilari orqali boʻlishi mumkinligini aytdi.